Fra 2022 til 2025 vil SLKS støtte en grønlandsksproget programproduktion i Danmark.
Den nye podcast INUNA Podcast er et auditivt samlingssted, hvor grønlændere bosat i Danmark har mulighed for at dele viden og erfaringer på tværs af generationer og bygrænser.
INUNA er en upolitisk og upartisk podcast.
Podcasten vil operere i krydsfeltet mellem fortid, nutid og fremtidsønsker. Programfladen kommer bl.a. til at rumme formater, der beskæftiger sig med aktualitet, nyheder og underholdning. Der vil blive lagt vægt på bredde i kommunikationen og interaktion med lytterne gennem forskellige sociale medier samt deltagelse i forskellige events.
INUNA podcastiuvoq kalaallisut oqaasilik, taanna kalaallinut Danmarkimi najugaqartunut tusarnaagassatigut katersuuffiuvoq.
Kalaallit Danmarkimi inuuneranni assigiinngiiaassuseq, aamma kinguaariiaat akornanni podcastini oqaluttuarineqarlunilu saqqummiunneqartassaaq.
INUNA-p tusarnaartartut peqatigalugit, maanna pisut, inuit ataasiakkaat inuunerisa oqaluttuassartaat, kalaallillu akornanni ataatsimut immikkullu misigisartagaat sammisassavai.
‘Nuissani’ katersortarfittut INUNA-p Danmarkimi kalaallit najugaqartut imminnut qanillisissavai, kalaallit kinaassusaat oqaasiilu tapersersuiffigalugit, aamma kalaallit nipaannut assigiinngitsunut, misilittagaallu pillugit oqaloqatigiinnernut ataatsimoorfimmik pilersitsissalluni.
INUNA sapaatip akunneranut marloriarluni podcastinik aallakaatitsisassaaq, marlunngorneq sisamangornerlu, aamma INUNA inuit attaveqaataasigut malinnaaffigineqarsinnaavoq.
Aallakaatitassiat sammisat aalajangersimasut aallaavigisassavaat: Danmarkimi Nutaat Pisoqqallu, Eqqumiitsuliorneq aamma Kulturi, Ilisimatusarneq aamma Ilinniagaqarneq, Inuussutissarsiorneq aamma Sulineq.
INUNA tassaavoq Holstebro, Danmarkimiittoq Nordisk Teater Laboratoriumip ilagaa, immiussisarfillu tassaniippoq. INUNA kalaallit akornanni suleqatigiinnermut qaaqqusivoq – aamma nipit soqutiginnittut tamaasa attaviginissatsinnut kaammattorlugit.
INUNA-miillu soqutiginnittut tamaasa podcastimi malinnaaviginninnissaannut tikilluaqquagut, qanorluunniit tunuliaqutaqaraluarunik oqaaseqaraluarunilluunniit.
* INUNA oqaatsinik pinnguarluni katiterineruvoq oqaatsit uku akornanni Nuna (nuna/nunarsuaq), Inuk (inuk/kalaaleq), Inuit Nunaat (Kalaallit Nunaat/inuit nunaat) aamma Nunasivoq ima isumaqartoq “inunngorfigisaanngitsumi nunasisoq”.
*INUNA-p ilisarnaataa internettimi ingerlaartarnernut assersuutaavoq
Radio Nutaaq kalaallisut aallakaatitsisoq Nordisk Teaterlaboratoriumimi
Ukiunut pingasunut tullernut Nordisk Teaterlaboratorium, Holstebromiittoq, radiop kalaallisut aallakaatitsisartup pilersinnissaanut Nordatlantpuljenimit syv millioninik aningaasaliiffigineqarpoq.
– Podcast nutaaq INUNA Radio kalaallit Danmarkimi najugaqartut tusarnaartarfittut ataatsimoortarfissaraat, tassani Danmarkimi najugallit, kinguaariiaat illoqarfiillu akornanni ilisimasaminnik misigisartakkaminnillu avitseqatigiittarnissaminnik periarfissaqassapput, aallarniisoq aamma isiginnaartitsiviup pisortaa Per Kap Bech Jensen ilisimatitsivoq.
– Uagut tusaaneqarneq ajortunut tusaaneqarnissaannik periarfissiisuaannartarsimavugut, tassalu INUNA Radiomi tusaaneqarsinnaalertissaagut. Internettimi katersuuffiussaaq, Kalaallillu Nunaata Danmarkillu akornanni ikaartarfiussalluni. Aallartinnissaa qilanaaraarput, oqarpoq isiginnaartitsisarfiup pisortaa Per Kap Bech Jensen.
Podcasti qanga ullutsinnilu pisimasunik, siunissamilu kissaatinik sammisaqartassaaq. Programmit suunerisigut immikkoortiterinermi ilaatigut sammineqartassapput maannakkut pisut, nutaarsiassat aamma aliikkusersuineq. Paasisitsiniaanerup atituujunissaa aamma tusarnaartartunik sunniivigeqatigiittarnissaq pingaartinneqassapput, ilaatigut inuit attaveqaataat assigiinngitsut atorlugit, kiisalu aaqqissuussinerit assigiinngitsut aqqutigalugit.
Kalaaleq erinniortoq inuussutissarsiornermillu ingerlatsisartoq arnaq ilisimaneqarluartoq, Arnannguaq Gerstrøm, Nordisk Teaterlaboratoriumimi atorfeqarpoq aamma INUNA Radiomut suliniummut aqutsisuulluni. Programmiliorfimmut nutaamut, Danmarki tamakkerlugu kalaallit tusarnaartartut akornanni assigiinngiiaassuserujussuarmik samminniffiusussamut, atituumillu suleqatigiiffiunissaanut aamma peqataaffiginissaanut tikilluaqqusivoq.
Folketingimi ilaasortap Aki-Matilda Høegh-Damip kalaallit aaqqissuussaannik radiomik Danmarkimi aallakaatitsisarfiliortoqarnissa nuannaarutigaa.
– Siumumi siunertamut aningaasanik immikkoortitsisimavugut, kalaallit aaqqissuussaannik radioprogramminik aallakaatitassiortoqarnissaannik pisariaqartitsisoqarmat. Politikkikkut uagut radiomi aallakaatitsisarfiliornissaq qanoq isikkoqarsinnaanersoq pillugu sinaakkusiisimavugut, Slots-og Kulturstyrelsenilli kia aallakaatitassiorneq suliarissaneraa naliiffigisimavaa aaqqissuullugulu. Aallakaatitassiat tusarnaarnissaannut assut qilanaarpunga, oqarpoq kalaaleq Folketingimi ilaasortaq, Aki-Matilda Høegh-Dam.
Nordisk Teaterlaboratorium nunat tamalaat akornanni oqaatsit kulturillu akornanni suleqatigiinnermik immikkut suliaqartartuuvoq. Suleqatigiinnermi suliniutikkut, Corvus Corax20XX-ikkut, Nunatta Isiginnaartitsisarfiata aamma Nordisk Teaterlaboratoriumip akornanni, isiginnaartitsisarfiit sumiiffinni innuttaasut aamma inuuniutigalugu suliaqartartut akornanni Kalaallit Nunaanni aamma Danmarkimi piujuartitsisumik suleqatigiinnernik pilersitsinernik misilittagaqarluartuupput. Nunatta Isiginnaartitsisarfiata INUNA Radiomut suleqataanissani qilanaaraa aamma isiginnaartitsisarfiup pisortaa Susanne Andreasen ima oqaaseqarpoq:
– Oqaluttuat pitsaasut, imaluunniit sapernartut imaluunniit nuannersut oqaluttuarisarnerisa immitsinnut ungasissorsuugaluartugut qanillisittarpaatigut. Assut nuannerpoq kaalallit kalaaleqataannut akunnermiuliutsittassagatsigit, tamaalilluni oqaloqatigiinnerit itinerulerlutillu allaanerussammata. Ilaanni Kalaallit Nunaat pillugu Danmarkimi imaluunniit Danmarkimut paasisitsiniaanerit eqqartoraangatsigit, taava paasisitsiniaaqqaarluta imaluunniit kulturimik ’nutsereqqaarluta’ aallarteqqaartariaqartarpugut, uanili taamaaliussanngilagut.
Podcasti nutaaq, INUNA radio, siullermik februar 2023-mi aallakaatinneqassaaq, aamma tamatuma kingorna sapaatip akunnerit tamaasa aallakaatitsisassalluni, taakkulu podcastinik aallakaatitsisarfinni angisuuni tamani tusarnaarneqarsinnaassapput.
INUNA oqaatsinik pinnguarluni katiterineruvoq oqaatsit uku akornanni Nuna (nuna/nunarsuaq), Inuk (inuk/kalaaleq), Inuit Nunaat (Kalaallit Nunaat/inuit nunaat) aamma Nunasivoq ima isumaqartoq “inunngorfigisaanngitsumi nunasisoq”. Eqqumiitsuliornermik oqaaseq INUNA taamaalilluni assigiinngitsorpassuartigut paasineqarsinnaavoq.
